今晚集《愛回家》又去到一個新高度，除左喜劇同職場呢兩個固有元素之外，重有懸疑、復仇、正義，為左守護「威龍秘密網」，比威龍好同事有個聚腳互助講是非既地方，屠龍者大戰雷珍妮。 而呢集最出色既地方係，到最後都無人知幕後boss係邊個。 呢排愛回家太高汁。之前講傻強為熊尚善同潮偉寫劇本個集已經睇到嘩嘩聲；尋日個集拎《請回答1988》黎玩。一路都覺得，大小姐同送水輝、熊尚善同潮偉既愛情線已經寫得好出色，但係最好睇既始終係熊若水同龔燁條線。 若水龔燁遠赴哈爾濱公幹，出發之前，龔燁知道若水呢排中意睇《請告白2018》，藉故送左條劇裡面女主角成日帶既紅頸巾比佢，雖然點睇，都係《鬼怪》金高恩帶個條。 劇裡面，男主趁住初雪向女主告白；係《愛回家》裡面，紅頸巾有了，初雪有了。但係熊若水同龔燁唔係係同一個地方，最後見到，都重要扮無等對方。 我有預感，去到大結局個日，熊若水同埋龔燁可能都係係唔到埋一齊。留下無限唏噓同婉惜。如果真係咁，《愛回家》真係神作了。絕對會因為呢一幕留下無盡餘味。直到好多年好多年之後，肯定都重會有人記起熊若水同龔燁。 係《請回答1988》裡面，惠利最尾無同狗煥一齊，令到無數人心碎。我寧願《愛回家》唔上神枱，最後熊若水同龔燁會係埋一齊。